Германската канцеларка Ангела Меркел ќе зборува на масовен митинг против антисемитизмот, во период кога има зголемен број на напади врз германски Евреи, соопштува Би-Би-Си.
Настанот ќе се одржи во Берлин после 75 години по објавувањето на Втората светска војна во која шест милиони Евреи беа убиени од нацистичката Германија.
Меркел ветува дека ќе направи се’ што е можно за антисемитизмот да не се повтори. Порастот на антисемитизмот следи по конфликтот летово во Газа.
Митингот пред Бранденбуршката порта со слоганот „Омраза кон Евреите – Никогаш повеќе!“ се совпаѓа со средбата на Светскиот еврејски конгрес.
Меркел изјавила дека „ниту една еврејска институција“ во земјата нема што не побарала полициска заштита во сегашниот период и тоа е нешто што многу ја загрижува.
Во екот на израелското бомбардирање на Газа во јули, демонстранти беа пријавени за извикување слогани велејќи „ционистите се фашисти, убиваат деца и цивили“ и викаа дека Евреите треба да бидат „убиени во гасна комора“.
Минатата недела со свастика и со зборовите „Евреи“ и нацистичкиот поздрав „Сиг Хајл“ беше насликано со спреј на зградата на локален весник во источниот град Котбус.
Организаторите на собирот во недела се надеваат дека повеќе од 10 000 луѓе ќе присуствуваат.