Појавата на ебола може да има катастрофални ефекти врз економиите на Гвинеја, Либерија, Сиера Леоне, вели Светска банка.
Според организацијата, економскиот ефект на вирусот може да порасне осум пати во веќе слабите држави.
Сепак, од организацијата сметаат дека трошокот може да биде ограничен ако епидемијата и придружниот страв се дефинирани од брз глобален одговор.
Еболата има убиено 2461 лице во Западна Африка што е најголема појава досега.
Во средата, американскиот претседател, Барак Обама, последната појава ја нарече „закана за глобалната безбедност”, откако најави поголема улога на САД во борбата против вирусот.
Мерките вклучуваат испраќање 3.000 американски војници во регионот и изградба на нови здравствени установи. Соопштението дојде откако официјални претставници на ОН ја опишаа појавата како здравствена криза што е „исклучителна во модерните времиња”.
Според анализата на Светска банка, милијарди долари би можеле да се изгубат од западните африкански земји до крајот на следната година ако вирусот продолжи да се шири.
Под најлошото сценарио, глобалниот развоен кредитор предвиде дека економскиот раст следната година може да се намали за 2,3 процентни поени во Гвинеја и 8,9 процентни поени во Сиера Леоне.
Притоа, предвиде дека економијата на Либерија ќе биде најтешко погодена, губејќи 11,7 процентни поени од нејзиниот раст во следната година.
Во соопштението објавено во средата, претседателот на Либерија, Елен Џонсон Сирлиф го поздрави американскиот план за борба против ебола, велејќи дека се надева оти „ќе го поттикне остатокот од меѓународната заедница во акција”.