Костарика е последен учесник на фудбалскиот Мундијал во Катар

Фудбалската репрезентација на Костарика се пласира на Светското првенство во Катар како последен 32 учесник на планетарниот шампионат.

Селекцијата, чиј предводник од клупата е Луис Фернандо Суарез Гузман, го совлада Нов Зеланд во баражот во Доха со 1:0, со погодокот на Џоел Кемпбел.

Костарика во завршниот турнир во Катар ќе игра во групата Е заедно со репрезентациите на Шпанија, на Германија и на Јапонија.