Со претставата „За домот се работи“ од битолскиот Народен театар во Универзална сала во Скопје се затвора овогодинешното издание на македонскиот интернационален фестивал за театар.
Автор на текстот на претставата „За домот се работи“ е Горјан Милошевски, а режисер е Мартин Кочовски.
Претставата според авторот комуницира директно преку јасни ставови, индивидуални и колективни пароли, заблуди и разумни согледувања и во неа, покрај другото, се застапени личните ставови на актерите во однос на ликовите што ги играат.
Оваа претстава сака театарот да го претвори во една голема судница и така да ги поттикне луѓето да заземат свој став.
По претставата следува концерт на американската група Лемоло од Сиетл, САД на платото пред МКЦ.