Белград денес ќе биде домаќин на Геј Парада. Ова е прв пат да се организира оваа манифестација откако во 2010 година групи на ултранационалисти предизвикаа насилство.
Годинава дефилето ќе се одржува под силна полициска заштита а целиот настан со многу внимание го следи и Европската унија која преговара со Србија и бара заштита на човековите права на секој поединец без разлика на неговата сексуална ориентација.
Групи на ултранационалисти и радикали од екстремната десница веќе се заканија дека ќе излезат на улица за да протестираат против парадата. Премиерот Александар Вучиќ тврди дека “секој што ќе се обиде да направи инцидент ќе биде строго казнет”. Но министерот за внатрешни работи најави дека парадата може во последен момент да биде откажана доколку дојде до сериозни закани за граѓаните.
Многу министри од неговата влада најавија дека исто така ќе излезат на парадата помеѓу кои Јадранка Јоскимовиќ која е министер за европска интеграција, Тања Мишчевиќ која е главен преговарач со ЕУ и Иван Тасовац кој е министер за култура. На парадата ќе учествува и шефот на делегацијата на ЕУ во Белград.
Шефот на православната црква патријархот Иринеј изјави дека оваа парада е “неморална и наметната од хомосексуалците и нивните ментори од западна Европа” и ги изедначи хомосексуалноста, педофилијата и инцестот.
Пред две недели едена германски милитант за правата на ЛГБТ беше претепан во Белград и мораше да помине пет дена во болница.
За време на парадата во 2010 година имаше 150 ранети лица и штета од над милион евра.