Чадор револуцијата продолжува во Хонгконг. Демонстрантите им дадоа ултиматум на властите за исполнување на нивните барања, во спротивно ќе ги радикализираат протестите.
Движењето „Окупирање на центарот со љубов“ нагласи дека утре ќе ги објави плановите за натамошно дејствување.
Квартовите на градот во кој се одржуваа силните демонстрации од утрово се мирни, додека сообраќајот е стопиран.
Многу автобуски линии не работат или возилата се пренасочени, а станиците на подземната железница се затворени.
Властите во Хонг Конг вчера соопштија дека ги повлекуваат припадниците на интервентната полиција од улиците, во обид да ја смират ситуацијата по ноќта на жестоки судири со демонстрантите.
Десетици илјади граѓани на Хонг Конг излегоа на улиците во знак на протест поради неодамнешната одлука на Владата во Кина да ги ограничи изборните реформи за првите избори за локални лидери во оваа административна област, што треба да се одржат во 2017 година.