Македонскиот шеф на дипломатија, Бујар Османи информира дека францускиот предлог прво ќе се претстави пред членовите на Владата, а ако може уште утре ќе се презентира пред јавноста.
-Ќе се обидеме со премиерот и со другите членови на Влада за да во наредните денови сите институции, кои беа споменати во денешното соопштение од Владата бидат запознаени со предлогот. Имам мој став по однос на предлогот. Се надевам ќе биде утре пред јавноста и медиумите. Тоа што е важно е дека ги адресира забелешките кои што ги кажавме после работната верзија дистрибуирана пред земјите-членки. Мојот став прво ќе го кажам пред јавноста. Доколку го прифатиме предлогот, прашање е на денови кога ќе ги отвориме преговорите со ЕУ, информира Османи во изјава за Тв Канал 5.
Со оглед на чувствителноста на моментот, сакам да посочам дека објавените документи во некои од медиумите не се финалниот предлог кој француското претседателство го сподели денеска со Владата преку Министерството за надворешни работи, објави Османи попладнево на Фејсбук.
Побара и трпение од јавноста, додека францускиот предлог не биде соодветно презентиран.
„Со оглед на чувствителноста на моментот, сакам да посочам дека објавените документи во некои од медиумите не се финалниот предлог кој Француското претседателство го сподели денес со Владата преку Министерството за надворешни работи.
Имаме целосно разбирање од јавноста за потребата да бидат запознаени со содржината на предлогот, но во исто време ќе замолиме за кратко трпение со цел да поминат консултациите низ институциите и предлогот соодветно да биде презентиран, напиша Османи на Фејсбук.