Американскиот потпретседател Џо Бајден и се извини на Турција за коментарот што го даде минатата недела, дека сојузниците од Блискиот Исток се делумно виновни за зајакнување на Исламската држава (ИСИС).
Обединетите Арапски Емирати, исто така, побараа од Бајден за “објаснување” на неговите коментари.
Проблемот се чини дека потекнува од настапот минатата недела, кога во Универзитетот Харвард Бајден зборуваше за Турција, Обединетите Арапски Емирати и други сојузници на Блискиот Исток, како и заканата од Исламската држава позната како ИСИС или ИСИЛ.
Бајден изјави пред присутните дека милитантната исламистичка група била ненамерно зајакната со акциите на сојузниците, за да им помогнат на опозициските групи кои се борат против сирискиот претседател Башар ал-Асад.
“Тие дадоа стотици милиони долари и илјадници тони оружје за секој кој ќе се бори против Асад. Освен тоа, луѓето кои добиваат помош беа ал-Нусраи Ал-Каеда и екстремистичките елементи на џихадистите, коидоаѓаат од други делови на светот “, изјави Бајден пред студентите.
“Не можевме да ги убедиме нашите колеги да престанат со нивно снабдување”, рече тој.
На наводната улога на Турција, Бајден рече, “Претседателот (Реџеп Таип) Ердоган ми кажа, тој е еден стар пријател, значи ми рече:” Ти беше во право. Ние пуштаме премногу луѓе (вклучувајќи странски борци) преку границата”. Сега тие се обидуваат да се запечати нивната граница “, рече тој, според записите.
Ердоган жестоко негираше дека некогаш рекол такво нешто.
Бајден го прошири извинувањето (меа culpa, во смисол дека е негова вина) во саботата на турскиот претседател.
Извинувањето дојде неколку часа откако Ердоган изрази гнев поради коментарите и пред новинарите во Истанбул рече: “Бајден треба да се извини за неговите изјави.”
Во спротивно, рече тој, Бајден ќе стане “историја за мене”, според објавените извештаи од страна на полуофицијалната новинска агенција Анадолија.
Министерство за надворешни работи на Обединетите Арапски Емирати “го погоди Бајден со остро формулирана изјава во саботата- ја изрази својата” изненаденост “на забелешките на заменик-претседателот.
Тие се “далеку од вистината, особено со однос на улогата на ОАЕ во борбата против екстремизмот и тероризмот и јасната и напредна позиција во препознавањето на опасностите, вклучувајќи ја опасноста од финансирање на тероризам и терористички групи”, рече државниот министер за надворешни работи д-р . Анвар Мохамед Гаргаш.