Америка за прв пат го употреби моделот на хеликоптер „Апачи“ во воздушните напади против Исламската држава во Ирак.
Борбените хеликоптери досега се користеа само за заштита на Амбасадата на САД во Багдад.
Хеликоптерите Апачи употребени се против ИД во текот на изминатиот викенд за време на тешките борби во западните приодни правци кон Багдад. во реонот на градовите Фалуџа и Хит.
И покрај неколкунеделните воздушни напади врз позициите на ИД, џихадистите се уште може да ги потиснат ирачкте сили западно од главниот град.
Апачите се стационирани во Ирак пред четири месеци, како заштита за американската дипломатска мисија, но сега и официјано е потврдено дека тие дејствувале на терен со што се засилува военото учество на САД против ИД.
Засега не се соопштува колку хеликоптери се наоѓаат на територија на Ирак и колку од нив се вклучуваат во нападите против џихадистите, освен дека сите се префрлени од базата на САД во Кувајт.
Според американските експерти за безбедност, овој тип на хеликоптери се покорисни за операциите против ИД во население реони, или во градовите, од многу побрзите борбени американски и британски авиони.