Првиот човек на српската Влада, Ивица Дачиќ, и неговиот косовски колега Хашим Тачи не постигнаа договор за институциите на северот на Косово, во рамки на петтата рунда преговори што се одвива со посредство на високата претставничка на ЕУ Кетрин Ештон.
Ештон изјави дека таа и премиерите Дачиќ и Тачи се задоволни со постигнатиот напредок.
„Премиерите се задоволни со напредокот, исто и јас”, се наведува во соопштението на Ештон.
Косовскиот премиер Хашим Тачи пред новинарите изјави дека договор по прашањето за „паралелните структури на северот на Косово” не е постигнат.
„Дијалогот меѓу Белград и Приштина ќе трае колку што ќе биде потребно за да се изнајдат решенија”, рече Маја Коцијанчиќ, портпаролка на Кетрин Ештон.
По претходните најави дека ова е решавачка рунда разговори, сега во Брисел со поумерени изјави, дека „темата е тешка и дека е потребно повеќе време за изнаоѓање решение”.
Нова средба е закажана за 4 март