Постојаното зголемување на државниот и јавниот долг загрижува и власта мора да преземе чекори за да ги стабилизира , ова е пораката на Европската комисија за зголемените долгови кои ги прават владата, општините, јавните претпријатија и другите државни тела и институции. Во последниот извештај кој го мери напредокот на Македонија, во делот посветен на економските критериуми Комисијата и порачува на владата дека праксата на континуирано задолжување ја доведува во прашање долгорочна одржливост на македонската економија.
-Иако долгот на Владата е се уште релативно умерен, тој постојано се зголемува од 2008 па наваму, главно на сметка на зголемување на основните буџетски дефицити. во јули 2014 долгот на централната влада изнесуваше 40.8% од бруто домашниот производ (БДП), споредено со 34,1% на крајот на 2012 година и 20,6% на крајот на 2008 година.
Европската комисија потенцира дека особено загрижува долгот на јавните претпријатија кој изнесува 8% проценти од БДП. Забележан е вкупниот јавен долг од речиси 50% од БДП.