Времето денеска ќе биде сончево и доста топло, со мала до умерена локална облачност. Ќе дува слаб до умерен ветaр кој во западните делови ќе засилува. Утринските температури ќе бидат во интервал од 5 до 15 степени, а дневните од 29 до 35 степен. Вредноста на УВ-индексот ќе изнесува 7.
Во Скопје, времето ќе биде сончево и доста топло, со мала до умерена облачност и со слаб до умерен југозападен ветар. Утринската температура ќе се спушти до 10 степени, а дневната ќе достигне 32 степена.
Како што информира Управата за хидрометеоролошки работи (УХМР), под влијание на јужно воздушно струење ќе има значителен пораст на температурата. Особено топло ќе биде денеска и утре, кога дневната температура ќе биде над вообичаениот просек и ќе биде активно жолто ниво на опасност од високи температури.
В сабота ќе биде нестабилно со пороен дожд, грмежи и засилен ветар, а в недела ќе дува силен северен ветар кој најпрвин во северните делови ќе донесе заладување.