Жител на Тетово пред две години оставил автомобил на поправка, а вчера отишол да го земе, но бидејќи возилото го немало, тој пријавил случајот во полиција чии припадници го нашле возилото на отпад.
„Вчера (14 септември) во 12 часот и 15 минути, 62-годишниот тетовец во СВР Тетово пријавил дека пред околу две години во автомаханичарската работнилница во тетовско Џепчиште го оставил за поправка неговото возило „форд мондео караван“ со тетовски регистарски ознаки. Но кога отишол да го земе, возилото го немало во работилницата. Набргу, полициски службеници на СВР Тетово го пронашле возилото во авто-отпад во тетовско Непроштено и му го вратиле на сопственикот“, информира Марјан Јосифоски, портпарол на СВР Тетово.
Полицијата сè уште ќе работи на овој случај со цел да се документира и расчистат сите поединости.