• До кога Вашиот министер за финансии Ставревски ќе си дозволува (или пак Вие му дозволувате) со месеци наназад на голем број граѓани навреме да не им ги исплатува одработените и чесно заработени пари кои минуваат преку трезорската сметка?.
• Важат ли за него одредбите од Законот за финансиска дисциплина или тој може да се однесува како сака??
• Знаете ли дека откако од страна на работодавачот ќе биде даден налог за исплата на тие средства, за да истите од трезорската легнат на трансакциската сметка на еден граѓанин, се чека по неколку месеци.
• Дали со ваквиот начин на работа и однос кон граѓаните сакате да ни кажете дека тие зависат од добрата воља на министерот кој на ваков нехуман и перфиден начин си дозволува поигрување со нивните судбини и со нивното достоинство?.
• Знаете ли што значи при легално одработени и заработени пари да останете без пари?? (прашајте ги хонорарците на некои од универзитетите колку време чекаат да им се исплатат нивните хонорари)
• Знаете ли колкава е непријатноста кога ќе Ви се јават и кога ке ви кажат дека доцните со уплата на ратата за кредит, со месечната рата на кредитната картичка, со сметките за струја, вода, парно и т.н!?.
• Знаете ли колку е непријатно кога ќе дојдат да ви ја исклучат струјата затоа што доцните со плаќање на сметката за потрошена електрична енергија, само заради тоа што некој со месеци ви ги задржува вашите одработени и заработени пари!?.
• Знаете ли Вие дека за секое задоцнето плаќање сметките (благодарение токму на министерот за финансии) голем број на граѓании кои со месеци чекаат средствата од трезорската да им се исплатат на трансакциската сметка плаќаат енормно високи камати за секоја задоцнета уплата!?.
• Задоцнетото префрлање на средствата од страна на трезорот не носи камати, туку само носи срам, црвенеење и губење на достоинството на граѓанинот кој не по своја вина е доведен во таква ситуација.
• Можеби министерот и останатите функционери поради високите плати и други приливи по разни основи на нивните сметки го немаат овој проблем и тие можат со месеци да чекаат на исплата на средства од трезорската на нивната трансакциона сметка. Но, најголем број на граѓани го имаат овој проблем и се сериозно загрижени за обезбедување на спокојно и мирно секојдневно опстојување.
• Ова веќе ги поминува сите граници на човечко и коректно однесување и лично за мене е злуопотреба на функцијата.
