Директорот на Канцеларијата за Косово при владата на Србија, Петар Петковиќ допатува денеска во Косово, откако во минатото косовските власти десет пати му го одбија барањето за влез во земјата, јави дописникот на МИА од Приштина.
Петковиќ денеска и утре ќе престојува во северно Косово, во средините со мнозинско етничко српско население.
Претпладнево тој го посети Пасјане, село во кое што живеат околу 3.000 Срби, каде што во месната црква учествуваше на литургија по повод православниот празник Првомаченица Света Босилка, по што замина во селото Горно Кусце, каде што присуствува на сечењето торта по повод истиот празник.
Утре Петковиќ ќе престојува во Лепосавиќ, каде што ќе учествува на одбележувањето на празникот и славата Света Петка.
Косовските власти досега ги одбиваа неговите барања за посета на земјата, со образложение дека користи јазик на омраза кон Косово и косовските Албанци.