Денес Проектот на УСАИД за експанзија на мали бизниси и Центарот за развој на североисточниот плански регион одбележаа рекордни приноси на производителите на пченка од североисточниот регион за време на жетвата.
Со донацијата на УСАИД, 15-те производители на пченка од регионот кој годинава за прв пат наводнуваа со системи капка-по-капка успеале да ги зголемат нивните приноси за 60%, а земјоделецот Зоран Димитријевиќ очекува рекорден принос од 19 тони/хектар – меѓу највисоките во Македонија, соопштуваат од Канцеларијата на УСАИД.
– САД го поддржува економскиот раст во Македонија повеќе од 20 години со програми кој ја подобруваат конкурентноста на земјоделските бизниси во Македонија. Овие земјоделци покажаа дека иновациите имаат моќ да ги трансформираат малите фарми во профитабилни бизниси,“ изјави Пол Волерс, амбасадорот на САД во Македонија.
„Со зголемувањето на употребата на системите капка-по-капка, макро економските придобивки ќе станат поочигледни. Зголемувањето на продуктивноста со време ќе и овозможи на Македонија самостојно да ја задоволи целосната домашна побарувачка на пченка. Очекуваме дека овој процес ќе создаде 2.800 нови работни места и повраток на инвестиција од дури 101 милиони евра во индустријата за производство на пченка и млеко.“
Димитријевиќ вели годинава првпат користел ваков систем и вил презадоволен.
– Наредната година планирам да аплицирам во програмата 50-50 за да поставам систем капка-по-капка на уште 20 хектари со пченка, изјави Димитријевиќ. Вели со претходните системи на наводнување добивал по 7-8 тони од хектар а сега очекува 18-20.
Во 2013 и 2014, Проектот на УСАИД за експанзија на мали бизниси ја започна иницијативата „Да одгледуваме повеќе пченка“ за модернизација на производството на пченка во Македонија.
Како дел од иницијативата донирани се 120 системи капка-по-капка и обучени се 120 земјоделци за користење на добри земјоделски практики во одгледувањето на пченка.
Проектот на УСАИД за експанзија на мали бизниси е четири-годишен проект чија главна цел е да го забрза отворањето на нови работни места и економскиот развој на регионално ниво. Проектот цели кон тоа да ги развива партнерствата помеѓу чинителите од приватниот сектор и јавните институции на регионалното и локалните нивоа преку кои се создаваат иницијативи кои помогнуваат на микро, малите и средните претпријатија да се развиваат.