Годинава дефинитивно во македонската естрада, му припадна на Даниел Кајмакоски кој ја заокружи 2014 со тоа што победи на Скопскиот фестивал и ќе ја претставува Македонија на Евровизија во Австрија, Виена.
Откако победи на најпопуларното регионално натпреварување X-Factor и се стекна со голема популарност во Македонија и земјите од поранешна Југославија, тој синоќа триумфираше со песната насловена „Лисја есенски“.
Кајмакоски дополнително добива и 20.000 евра парична награда за победата.
Второто место со 20 поени и припадна на Тамара Тодевска која ја отпеа композицијата „Брод што тоне“ и доби 15.000 евра, додека третопласирана беше Еги со „Да не те сакам“ за која освои 18 поени и 10.000 евра.
Јубилејното 60-то издание на Евровизија ќе се одржи во Виена, а според плановите полуфиналињата ќе се одржат на 12 и 14 мај, додека финалето е резервирано за 16 мај 2015 година.