Попусти и многу забава надополнети со фото конкурс за избор на детски лица за календарот на Скопје Сити Мол за 2015 година – „Биди ѕвезда во 2015” е дел од четвртиот Саем за деца во Скопје Сити Мол кој ќе се одржува од утре до 23-ти ноември.
Богатата програма вклучува попусти и до 50% како и голем број едукативни игри, конкурси, натпревари, мини детска олимпијада, дружење со македонските фудбалски ѕвезди, претстави, како и детска модна ревија.
– Целодневната понуда е креирана со цел, детската радост и смеа, по четврти пат, да ги исполни ходниците на најголемиот мол во државата, објаснуваат од Скопје Сити Мол.
Саемот за деца е замислен како најголем собир на деца од различни возрасти, кои заедно со своите родители ќе минат 4 незборавни дена исполнети со креативни и забавни содржини.
Дел од настаните кои ќе се оддржат во следните четири дена се концерт на Златните славејчиња, хип хоп level.up работилница со Ритам Плус, квизови на знаење, детски олимписки игри, надополнети со уникатна парада на декорирани бебешки колички, бебешка трка во лазење и трка со дубачиња, како и несекојдневна детска модна ревија.
Сите активности, ќе бидат проследени со попусти на бебешка опрема, облека, обувки, играчки и книги.
На вториот кат кај одделот за храна ќе биде поставено мини фото студио, каде ќе бидат фотографирани сите заинтересирани деца кои би можеле да станат лица на календарот на Скопје Сити Мол за 2015 година.
Организаторите најавуваат дека фотографирањето кое ќе се спроведе во деновите на траење на Саемот за деца, е првата фаза од изборот на слатки детски ликови. По фотографирањето, ќе бидат избрани 24, за кои ќе може да се гласа на социјалните мрежи.
12-те финални ликови ќе бидат дел од големата фотосесија за календарот, која ќе биде реализирана од македонската фотографка Маја Аргакиева.
За децата до 5 годишна возраст е резервирано катчето на Сити кидс клубот каде ќе се бои, игра и моделира, а за оние поголемите пак, е предвидена забава во Game Zone, местото на вториот кат каде ќе се плете со гумени ластичиња, ќе се составуваат 4 бои во низа, и ќе се игра последната хит игра на Сони, Sky Landers.
Посебни физички активности за психо-моторика на деца до 7 години ќе бидат организирани во текот на целиот Саем.
На самиот крај, составен дел од речиси сите активности во текот на четирите саемски дена ќе се доделуваат и награди.
Сите настани се слободни за посетителите, а сите дополнителни информации ќе можат да се добијат кај организаторите на саемот.