Македонија се најде меѓу најдобрите десет земји во светот со најниска даночна стапка, се наведува во извештајот Paying taxes 2015, пренесува „Мета“.
Од вкупно 189 земји, Македонија, со стапка од 7.4 проценти, е на седмото место. Минатата година даночната стапка во Македонија изнесуваше 8.2 отсто.
Во извештајот се наведува дека потребното време за плаќање даноци во Македонија изнесува 119 часа, што е најкратко време во споредба со земјите од Централна Азија и од Источна Европа.
Во документот, исто така, се наведува дека Македонија е на шестото место според бројот на плаќања од земјите од регионот од Централна Азија и од Источна Европа.