Фото: Ана Лазаревска
Во кино Милениум вечерва со почеток во 20 часот ќе се одржи Церемонија на доделување на награди на 13 –тиот фестивал на европски филм Cinedays.
Наградите се за филмовите во официјална конкуренција, златна ѕвезда за најдобар филм, сребрена ѕвезда за најдобар режисер, сина ѕвезда за најдобро сценарио. Во селекцијата Сине Балкан се доделува наградата златно сонце за најдобар филм. Ќе биде доделена и награда за најдобра филмска критика. Статуетките и за овогодинешното издание на фестивалот на европски филм Cinedays ги изработи скулпторот Иван Ивановски.
За свеченото затварање ќе се погрижи Оркестарот на македонска филхармонија
Во кино Фросина денеска на репертоар од програмата на „Синедејс“ филмскиот фестивал публиката со почеток во 21:о0 часот ќе има можност да го погледне филмот „Барајќи го Фела“ во режија на Алекс Гибни.
„Барајќи го Фела“ ја раскажува приказната за животот на Fela Anikulapo Kuti, неговата музика и неговото социјално и политичко значење. Тој создаде ново музичко движење, Афробит, форум со чија помош тојх ги изразува своите политички ставови против диктаторската нигериска влада од 70-тите и 80-тите. Неговото влијание придонело за промена кон демократијата во Нигерија и за промовирање панафриканска политика во светот. Моќта и силата на пораката на Фела е потполно современа и денес и е изразена и во политичките движења на угнетениот човек кои ја прифаќаат музиката и пораката на Фела во нивната борба за слобода.
Филмот својата премиера ја имал на Санденс филм фестивал во јануари 2014, а потоа е прикажан и на филмските фестивали во Калгари и Ванкувер.
Вечерва истотака, со почеток во 22Ч30 часот во МКЦ е закажан настаp на Ди Џеј сет на Оливер Белопета.