Акварелот со наслов „Standesamt Mnchen“ насликан во 1914 година со димензии 28 на 22 сантиметра ја претставува Градската куќа во Минхен.
Во младешките години Адолф Хитлер (1889-1945) во 1907 година се обидел да се запише на Уметничката школа во Виена, но не успеал да го мине вториот круг од испитите. Една година подоцна, тој се обидел да се запише на Виенската ликовна академија, но не бил примен уште на првиот испит поради недостиг од талент. Меѓутоа, интересно е што ректорот на академијата во Виена му препорачал на Хитлер да се занимава со архитектура, бидејќи најдоброто кај уметникот почетник биле пејзажите на коишто се прикажани објекти. Продолжил да слика копирајќи призори од разгледници, кои потоа ги продавал на туристи.
Подоцна Хитлер се сретнал со основачот на австриската школа на модерната уметност Густав Климт, за да му ги покаже своите работи. Еден од тогашните водечки австриски уметници на младиот Хитлер му рекол дека тој е гениј и оти не му е потребно да учи. Зборовите на признатиот уметник биле од голема важност за Хитлер, кој ги уверувал своите пријатели дека ќе го посвети својот живот на сликарството. Сепак, во 1914 година, почетокот на Првата светска војна радикално го менува животот на младиот уметник.
„Очекувавме повеќе од првичната процена, но не толку голема сума“, признава еден од организаторите на наддавањето, Кетрин Вајдлер.
Интерес за експонатот број 6649 на наддавањето во Нирнберг пројавиле 12 лица од кои две биле лично присутни на самото наддавање. Иако новиот сопственик на акварелот на Хитлер сакал да остане анонимен, Вајдлер истакна дека делото ќе отпатува во една од земјите на Блискиот исток.