Сирискиот министер за надворешни работи Валид ал-Муалем од Москва изјави дека сириските власти се подготвени да преговараат со опозицијата, па дури и со оние коишто имаат оружје во рацете, на чијашто страна, според него, војуваат платеници од 28 земји.
„Ние сме подготвени на дијалог со сите коишто го сакаат. Дури и со оние која имаат оружје во рацете”, изјави шефот на сириската дипломатија Валид ал-Муалем по разговорите во Москва со неговиот домаќин министерот за надворешни работи на Русија, Сергеј Лавров.
Според првиот човек на сириската дипломатија, реформите не може да се спроведуваат со крвопролевање и решението е единствено можно да биде донесено преку дијалог. „Истовремено, ќе продолжиме да се бориме проти тероризмот”, нагласил Муалем.
Главните борбени дејствија во Сирија против властите ги изведуваат ограноците на глобалната терористичка мрежа Ал Каеда, на чијашто страна се борат милитанти до 28 земји, потенцираше Муалем на прес-конференцијата по разговорите со Лавров, пренесува РИА Новости.
„Тоа што се случува во Сирија претставува војна против тероризмот. Еден од ограноците на Ал Каеда ги носи главните борбени операции во Сирија и во Сирија повика милитанти од 28 држави, меѓу кои и од Чеченија”, нагласил сирискиот дипломат.
Дамаск и натаму е одаден на мирно решавање на судирот, истакнал Муалем.
„По тој повод и беше свикана владината комисија предводена од премиерот, да го води преговорите со опозицијата, дури и со надворешната”.
Изразувајќи благодарност на Русија за нејзиниот став во врска со ситуацијата во Сирија, Муалем додал дека „драго ни е што и другите се приближуваат на ставот на Москва, бидејќи тој ќе придонесе за ставање крај на кризата во Москва”.