Во рамките на музичкиот серијал Blegrade Calling а во организација на Авалон, еден од најпознатите бендови „Тото“ ќе одржат концерт во Белград на 30-ти јуни на Калимегдан.
Тие доаѓаат по низата врвни имиња кои беа или ќе бидат во Белград, како што се Ајрон Мејден, Грин деј, Ози Озборн, Били Ајдол, Морисеј, Феит ноу мор и Вајтснејк.
Познати по своите врвни свирачки достигнувања, бендот кој светската музичка јавност го третира како еден од најдобрите live бендови во музичката индустрија и ги карактеризира како „Кралеви на живата свирка“ – Тото, тргнуваат на голема двегодишна светска турнеја со која одбележуваат 35 години музичка работа и со нов албум кој излегува на пролет 2015 година.
За родоначелниците на стадионскиот рок ова ќе биде 22-ра турнеја и 13-ти по ред студиски албум, после низа мултиплатинести плочи продадени во преку 35 милиони примероци.
Имаат и пет Греми награди за светските хитови „Rosanna“, „Africa“, „Hold The Line“ и многу други.