Close Menu
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
What's Hot

Украинската амбасадорка Дир: Милиони животи се загрозени поради студот и темнината

October 30, 2026

34 години АРМ: Од „боси по трње“ до рамноправна и достојна членка на НАТО

August 16, 2026

Интервју со Павле Гацов: Малите економии имаат мал број алтернативи за справување со американскиот економски протекционизам

April 7, 2025
НОВА ТВНОВА ТВ
  • НАСЛОВНА
  • ВЕСТИ
  • ЗУМ
  • УДАРНО
  • ИЗБОР
  • ТЕМА
НОВА ТВНОВА ТВ

Дали македонската химна е маска за нереализираните проекти на Муцунски?

0
By Marta Pesevska on October 3, 2023 ПОЛИТИКА, РЕПУБЛИКА
СПОДЕЛИ
Facebook Twitter LinkedIn Email
Published: Tuesday, October 3, 2023 22:21

СОЊА ТАНЕСКА

Наставата во основните училиштa во Аеродром отсега секој понеделник ќе започнува со интонирање на македонската химна, затоа што почитта и љубовта кон татковината се градат од најмала возраст, напиша на својот фејсбук профил градоначалникот на Општина Аеродром Тимчо Муцунски.

Со оглед на тоа дека во оваа општина се уште има училишта кои работат во три смени, а не се обезбедени ниту учебници во училиштата, градинките едвај згрижуваат доволно деца, Муцунски ги воскреснува старите „реформски идеи“ од времето на поранешниот премиер Никола Груевски.

За потсетување химната беше интонирана еднаш неделно во 2014 година, за во 2015 година да се интонира секојдневно, кога градоначалник на општината беше Ивица Коневски од ВМРО-ДПМНЕ, а министер за образование Панче Кралев. По одреден период химната се интонираше само во понеделник, но и тоа престана и повторна иницијатива имаше во 2017 година

Тогаш, општината информираше дека за интонирањето на химната спроведле анкета која покажала дека речиси половина од анкетираните позитивно се изјасниле за тоа, но оние кои не се согласуваат барале редуцирање на праксата за секојдневно интонирање на химната.

 

 

Муцунски објави и видео на кое се гледа како група ученици стоечки под државното знаме ја слушаат државната химна.

Учениците построени, во униформи, кои пред неколку дена им беа поделени, исто така од општината, на 2 октомври, застанаа под македонското знаме во дворот и мирно ја слушаа македонската химна. Дел од учениците мирно стоеја во училниците.

„Станува збор за иницијатива преку која изразуваме искрена почит кон татковината и со која имаме цел да го подигнеме националното чувство и љубовта на дечињата кон Македонија, но и ќе ги охрабриме да учат за македонската култура и традиција“, напиша градоначалникот на Општина Аердром Муцунски.

Што се случува со капиталните проекти?

Иако наследи полна општинска каса, за половина мандат Тимчо Муцунски не успеа да започне ниту една капитална инвестиција. Тој вети четири нови градинки во населбите Мичурин, Острово, Лисиче и Долоно Лисиче, од кои најмалку една требаше да биде пуштена во употреба до крајот на 2022 година, останатите до крајот 2023 година. Половина мандат помина, нова градинка во Аеродром нема.

-Во првата половина од мандатот Муцунски вети и проширување на објектите на градинките Сонце и Лале, како и реконструкција на градинката во населба Лисиче. Ништо и од овие ветувања. Никако да му се израдуваме и на паркот Радост на 6.000 метри квадратни во Реонски центар кај станицата за технички преглед. Требаше да биде готов уште лани. Мицкоски присуствуваше на почетокот на активностите за подигнување на паркот. Во првата половина од мандатот на Муцунски, Општина Аеродром требаше да добие и нова гимназија, нова општинска зграда, нов кружен тек меѓу Мичурин и Стар Аеродром, нов мулрифункционален центар со простории за младински центар, нов спортски центар „Пирин“ во населба Лисиче, нова спортска сала во Долно Лисиче, Музеј на МЗТ, кино сала и театарска сцена во Ново Лисиче. Ништо од ова не е реализирано и нема да биде реализирано ни до крајот на мандатот , потврди координаторот на советничката група на СДСМ и коалицијата во Советот на општина Аеродром.

Исто така не е формиран ниту ветениот енергетски фонд за реконструкција на фасадите на зградите во Аеродром, планиран за 2022 година. Еднократната помош за новороденче требаше да биде зголемена од 8.000 на 20.000 денари до крајот на 2022 година.

Исто така не се промовирани ниту од стипендиите за млади таленти во износ од 30.000 денари. Ништо и од спортските субвенции за млади во износ од 600 денари. До крајот на 2022 година требаше да бидат завршени и сите постапки за легализација.

Градска.мк испрати прашања до општина Аеродром околу висината на капиталните инвестиции, околу зелената обврзница и дали за одлуката за интонирање на химната се консултирани родителите.

Нема информации за зелената обврзница?

Засега нема имформации од Општина Аеродром што се случува со зелената обврзница со која општината се задолжуваво висина од 330 милиони денари (околу 5,4 милиони евра) за реализација на капитални проекти во општината. Одлуката за задолжување беше изгласана на седница во јануари со 15 гласа ‘за‘ и 12 ‘против‘. Задолжувањето, како што стои во одлуката, ќе се врши преку издавање обврзици.

Против одлуката за задолжување гласаа советнците од СДСМ и Левица. Советникот од СДСМ Милутин Ристевски вели дека со одлуката ниту еден проблем не се решава трајно и задолжувањето Муцунски не го ветил во неговата изборна програма.

„Не се знае колкави камати ќе се плаќаат на овој кредит. Од одлуката се гледа дека од овие средства се планирани две и пол градинки, а не 4 како што ветуваше пред изборите. Планирани се 2 доградби и 0 нови училишта. Ниту еден проблем не се решава трајно. Ниту недостатокот на градинки, ниту недостатокот на училишта, ниту недостатокот на паркинзи и улици. Наместо развој и решавање на проблемите, аеродромци добиваат нов проблем, долг од 5,4 милиони евра кој ќе го враќаат во следните 10 години. Ова задолжување Муцунски не го вети во својата градоначалничка програма“, рече Ристевски.

Извор: Градска.мк
Share. Facebook Twitter LinkedIn Email
ТИКЕР

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026

Случај Алта банка: Опозицијата бара оставки, истраги и одговорност од власта

November 3, 2026
shortcut
ФОКУС
September 30, 2026Updated:September 30, 2026

Мицкоски пред средбата со Фон дер Лајен: Подготвени сме за разговор и решение, обврските ги наследивме од претходната власт

ПОЛИТИКА September 30, 2026

Претседателката на Европската комисија Урсула фон дер Лајен в петок, 2 октомври, ќе престојува во…

Исланд гласа за или против обновување на преговорите за членство во Европска Унија

August 29, 2026

Техеран го повика Вашингтон да признае воен пораз

August 16, 2026

Букурешт: Дуња Иванова четврта на Балканот во МТБ маратон во Романија – 73 км. должина и 2.400 м. висинска разлика

August 15, 2026
ТИКЕР

КЛИМАТСКИ РОЛЕРКОСТЕР – серија текстови на Зелен ЦИВИЛ: Есента се менува, градовите се загреваат

November 14, 2026

Скопскиот филмски фестивал продолжува да го менува културниот пејзаж на градот

November 12, 2026

КРВАВ МАСАКР ВО КРАКОВ: Шестмина убиени на плоштадот, три тела пронајдени во домот на напаѓачот

November 8, 2026

„Блунами“ во САД: Нов инфографик на ЦИВИЛ МЕДИА за изборниот пресврт и последиците за Трамп

November 4, 2026

Случај Алта банка: Опозицијата бара оставки, истраги и одговорност од власта

November 3, 2026
CIVICA
Facebook
  • Редакција
  • Маркетинг
  • Политика на приватност
© 2026 НОВА ТВ

Type above and press Enter to search. Press Esc to cancel.