„Дваесет и шест компании имаат сеуште рок согласно даночниот календар да ја направат уплатата на данокот за солидарност. Целта на Управата за јавни приходи не е да прави блокада на овие компании. Имаше можности на рати и можност за пребивање на ДДВ со Данок на солидарност како што направија некои компании,“ рече директорката на Управата за јавни приходи Сања Лукаревска во емисијата Клик Плус на ТВ 21.
Лукаревска информираше дека од 156 компании кои треба да уплатат Данок на солидарност треба да се соберат 3 милијарди 29 милиони денари. Заклучно со вчерашниот ден уплатени се 2.3 милијарди денари од 130 компании. Вкупниот износ кои го должат копманиите е 726.6 милиони денари.