„Граѓаните секогаш имаат право да бараат и повеќе и подобро и граѓаните на крајот знаат да споредат. Тие знаат да споредат како некој владеел, и како некој владее. Граѓаните ќе споредат и како функционираат општините кои се сега доминантно во управување од страна на ВМРО – ДПМНЕ. Имате освен 16 општини во државата, сите други се управувани од опозицијата,“ рече претседателот на Владата на Република Северна Македонија Димитар Ковачевски во интервју за Канал 5 од Брисел
Тој се осврна на неостварените ветувања како и дека дека без разлика од која политичка партија е градоначалникот, граѓаните заслужуваат да добијат поддршка од Владата во рамки на можностите на буџетот.
„Затоа сега, при носењето на овој буџет и правењето на финалните прераспределби, големи финансиски средства се издвоени за општините вклучително и општинте водени од опозицијата за правење на инфраструктурни објекти и проекти од интерес на граѓаните. Пратениците од СДСМ поддржаа голем број на проекти, мислам дека негде во висина од 16 милиони евра кои ќе се прават во општини кои се водени од ВМРО – ДПМНЕ, односно градоначалчници од ВМРО – ДПМНЕ. Но тоа не е заради градоначалниците, тоа е заради граѓаните, “рече Ковачевски.