Утрово се запали брод со 478 патници, меѓу нив и тројца Македонци

Во тек е меѓународна спасувачка акција на брод кој се запали утрово додека пловел преку Игуменица кон Анкона, а помеѓу 478-те патници се и тројца Македонци, како што објави Канал 5. Акцијата која е во тек е заедничка соработка помеѓу Италија и Грција.

Неколку стотина патници се заробени а спасувачката мисија се одвива во услови на силна бура.

Грчката крајбрежна стража соопшти дека 150 лица се спасени од бродот Норман Атлантик, кој превезувал 478 патници и членови на екипажот, откако испратил SOS сигнал по избувнувањето на пожарот.

Силните ветрови и немирното море ги попречуваат напорите на другите бродови за спасување на оние кои се сеуште на бродот, а не е познато дали имало жртви или патници во водата.