росечната исплатена нето плата во октомври изнесува скоро 21.717 денари, соопшти Државниот завод за статистика.
Од таму тврдат дека е регистриран незначителен раст од 2,2% во споредба со истиот месец лани.
Последната анализа за годинава за нето платите покажува дека растот се должи на зголемените плати во секторите:
-Рударство и вадење на камен 10.5%
-Градежништво 6.8%
-Дејности на здравствена и социјална заштита 5.5%
Намалување на просечната нето плата е забележана во секторите– земјоделство, шумарство и рибарство. Во октомври годинава, 1.4% од вработените во Република Македонија работеле, а не примиле плата.
Според последните податоци на Сојузот на синдикати, на едно четиричлено семејство за да го истурка месецот, потребни му се околу 500 евра. Минималната потрошувачка кошничка што ја пресмета синдикатот во октомври годинава, изнесува 32 илјади денари. Во исто време просечната нето плата е околу 21 илјада, податок што покажува дека во семејниот буџет процентуално недостасуваат околу 11 илјади денари.