Мексиканските власти објавија денес, дека според официјалните извештаи, повеќе од 26.000 луѓе исчезнале за време на последните шест години во крвава војна со нарко-картелот.
Овие официјални бројки се објавени само една недела откако организацијата за човекови права “Хјуман Рajтc Воч” ја искритикува мексиканската влада бидејќи не успеа да истражи најмалку 249 случаи на “исчезнати” луѓе, од кои за една половина се виновни безбедносните сили.
Заменик секретарот задолжен за човекови права во Мексиканското министерство за внатрешни работи, Лиа Лимон, рече дека 26.121 луѓе се исчезнати од декември 2006 година до ноември 2012 година. Тогаш претседател на Мексико беше Фелипе Калдерон кој покрена силна акција против нарко-картелот.
Лимон рече дека за оваа конечна бројка е дојдено врз основа на податоци од локалните обвинители во Мексико и дека не ги вклучува оние кои се водат за исчезнати после ноември минатата година,известуваат агенциите.