Најгласниот критичар на Кремљ, рускиот опозиционер Алексеј Навални е осуден на условна казна од три и пол години. Тој е обвинет дека украл 31 милиони рубљи од руската подружница на француската фирма Ив Роше.
Навални ги повика пред судницата своите приврзаници да излезат на улица и да го урнат режимот на Путин.
Според неговите приврзаници и симпатизери се работи за политички мотивиран процес. Во комбинација со поранешното обвинение за проневера, му се закануваше казна од десет години затвор.
Алексеј Навални ги предводеше масовните протести против рускиот претседател Владимир Путин пред три години, а на судењето многумина гледаа како на обид да се запре неговото несогласување.
Неговите приврзаници организираа протест преку Фејсбук, кој треба да се одржи на 15 јануари, пред „домот“ на Путин – Кремљ.




