ИОК им верува на француските власти за безбедноста на Олимпијадата 2024

– Како и секогаш, безбедноста е одговорност на локалните власти и тие го информираа ИОК дека работат неколку години на ова прашање со претпоставка дека ќе бидат потребни најстроги безбедносни мерки. Има и блиска меѓународна соработка. Врз основа на ова и редовните извештаи што ги добива ИОК, имаме целосна доверба во француските власти и нивната соработка со меѓународните партнери, соопшти прес-службата на ИОК. Олимпијадата ќе се одржи од 26 јули до 11 август оваа година во француската престолнина.