Од наредната година во сојузната американска држава Флорида ќе теба да стапи на сила закон со кој на децат под 14 години ќе им биде забрането да ги користат социјалните мрежи.
Како што е најавено, во законот ќе бидат предвидени и одредби со кои децата на возраст од 14 и 15 години, пред да се вклучат на социјалните интернет платформи, ќе мора да добијат родителска согласност.
Законт е во најава, а во веќе утврдениот текст стои дека од компаниите кои поседуваат социјални медиуми ќе се бара да ги избришат профилите на децата помлади од 14 години. Во него уште стои дека непочитувањето на одредбите на овој закон повлекува и високи парични казни и тоа во износ и до 50 илјади долари.
Законот треба да стапи на сила во јануари 2025 година, но уште сега тој предизвикува полемики и укажувања дека со овој закон се нарушуваат човековите права и се прекршува американскиот Устав.