Лога: Непочитувањето на уставното име на државата заклетвата на Силјановска ја прави ништовна

Кренар Лога, министерот за правда во техничката Влада во реакција на денешниот говор на претседателката на државата Гордана Силјановска Давкова оценува дека таа не го испочитувала уставното име на државата и оти со тоа нејзината заклетва е ништовна.Непочитувањето на уставното име на државата ја прави ништовна заклетвата на Силјановска. Или повторување на постапката или  функцијата претседател на државата треба да ја преземе Јован Митревски, претседател на собрание како в.д, наведува Лога во во соопштение до медиумите.

Силјановска Давкова при давањето свечена заклетва не го употреби уставното име на земјава – Република Северна Македонија, туку користеше само Македонија.