Претседателот на Европскиот совет, Шарл Мишел, вели дека е многу разочарувачки што новата претседателка на Северна Македонија, Гордана Силјановска-Давкова, не го употребила уставното име на државата при денешната свечена заклетва.Многу е разочарувачки што новиот претседател на Северна Македонија не го употреби уставното име на државата при денешната свечена заклетва. ЕУ потсетува на важноста од континуирано спроведување на правно обврзувачките договори, вклучувајќи го и договорот од Преспа со Грција, напиша Мишел на социјалната мрежа Икс.
Слична беше и реакцијата на претседателката на Европската комисија Урсула Фон дер Лајен која преку објава на социјалната мрежа Икс порача дека почитувањето на Договорот од Преспа е обврзувачки за земјата да го продолжи патот кон Европската Унија.
Претходно денес, новоизбраната претседателка Гордана Силјановска-Давкова, положи заклетва за претседател во која го употреби само името Македонија, а не и Северна со што предизвика реакции во Грција, а грчката амбасадорка демонстративно ја напушти пленарната сала во Собранието.
И грчкото МНР излезе со остра реакција, коментирајќи дека се прекршува договорот од Преспа.