Исламската држава егзекутирала тројца Кинези кои се бореле во нејзините редови

Исламската држава егзекутирала тројца Кинези, кои се бореле во нејзините редови во Ирак и Сирија, но се обиделе да побегнат, пренесуваат медиумите од светот.

Едниот од нив бил осуден од ИД и застрелан во Сирија, а другите двајца се обезглавени во Ирак.

Убиствата се извршени во септември и декември минатата година.

Заедно со двајцата кинески џихадисти во Сирија, исламистите обезглавиле уште 11 свои борци од различни земји. Тие биле обвинети за предавство и обид за бегство од редовите на терористичката организација.

Кинеските власти сметаат дека околу 300 кинески екстремисти се борат во редовите на ИД.