Повредени полицајци, превртени и искрешни автомобили и автобуски станици, запален автобус, превртени и запалени контејнери, искршени прозорци и мирис на чад и солзавец кој не поминува – ова е исходот од денешните судири помеѓу полицијата и демонстрантите.
Бит-пазар буквално изгледа како да се војувало. Ништо подобро не е ниту на мостот „Гоце Делчев“, каде околу 13 часот прв пат се судрија демонстраните и полицијата.
А како почна се? Вчерашните протести од попладнето кога група демонстранти излезе да го изрази своето незадоволство поради именувањето на Талат Џафери за министер за одбрана излезе од контрола.
Група хулигани кои биле дел од толпата, како што јави и полицијата, при демонстрациите нападнаа неколку деца Албанци, при што неколкумина беа повредени.
Овие фотографии подолу се направени од фоторепортерот на „Фокус“ Томислав Георгиев. На првата фотографија објективот на Георгиев го уловил моментот кога еден од хулиганите напаѓа дете, а втората и третата фотографија покажуваат повредено дете и случајни минувачи кои се обидуваат да помогнат заедно со полицијата.
Mоментот кога еден од хулиганите напаѓа дете
Иако овие протести се поврзуваа со партијата Достоинство, нивниот лидер Стојанче Ангелов остро демантираше дека тие на било какво начин се поврзани со вчерашните протести и инциденти.
Тој тврдеше дека неговите протести биле закажани за денес во 12 часот во „Жена парк“ и дека некој намерно се обидува да му ја подметне одговорноста за настаните. Следното видео ги илустрира вчерашните судирите помеѓу полицијата и демонстрантите.
По овие настани од вчера, денес на пладне пред владата се собраа млади Албанци, наводно организирани преку социјалните мрежи за да го покажат револотот против тепањето албански деца.
Во прво време пред Владата беше мирно, но потоа толпата почна да фрла со камења по зградата на владата, полицијата, како и да го го крши околниот инвентар. Полицијата најпрво со кордон и оклопни возила се обиде без употреба на насилство и оружје да ја разбие толпата. Толпата и полицијата се движеа по мостот „Гоце Делчев“.
Кај музејот на Холокаустот ситуацијата излезе од контрола, а толпата почна повторно да фрла со камења по полицијата, по зградите од Скопје 2014, а превртеа и неколку автомобили кои беа паркирани во близината. Тогаш настана судирот, а полицијата почна да употребува солзавец и димни бомби со цел да ја разбие групата. Ова видео е снимено за време на немирите на мостот „Гоце Делчев“.
Групата навидум беше разбиена. Кордон полиција стоеше на крстосницата кај „Мавровка“ и уште еден кај поликлиниката Бит-пазар. Имаше приведени, но дел од топлата успеа да се разбега во чаршијата. Таму беше искрешне ЛГБТ центарот на Хелсиншкиот комитет. Се затворија речиси сите дуќани, како и пазарот.
А случајните минувачи и дуќанџиите седеа заклучени во своите дуќани. На битпазар избија уште два судири помеѓу полицијата и демонстрантите, се употреби многу солзавец и димни бомби, се искршија сите автобуски постојки и се запалија сите контенјери на булеварот. Ова е видеото од немирите на Битпазар.
Инцидентот ескалираше кога по половина час, и покрај присуството на стотици полицајци и специјалци групата успеа целосно да запали автобус. Следните снимки се од запалениот автобус на подвозникот кај Битпазар.
Засега извори од МВР, неофицијално говорат дека има најмалку петмина приведени и десетина повредени полицијаци. Официјален став нема од ниту една институција.
Коментари нема ниту од ВМРО ДПМНЕ ниту од ДУИ.
АВТОР: САШКА ЦВЕТКОВСКА
ФОТОГРАФИЈА: ТОМИСЛАВ ГЕОРГИЕВ