Со минимални количини на храна и средства за лична хигиена студентите на Артхитектонскиот факултет денеска прогласија Автономна зона.
Тие велат дека потребна им е поддршката од сите граѓани и секој кој е во можност го повикуваат да дојде на факултетот и да донира храна, овошје, течности и тоалетна хартија.
Студентите се одлучни вечерва да ја поминат на студнетската Автономна зона и се надеваат дека наскоро ќе им се приклучат и нивните колеги од Градежен факултет.
Се уште е неизвесно дали студентите од тој факултет ќе се приклучат, меѓутоа веќе имаат најавено интерен пленум за денеска во 14 часот.
Нивните колеги архитекти остануваат со изготвена Програма за првиот ден.
Во 14 часот ќе се одржи трибина на тема „Архитектонското образование“, а предавање ќе одржи проф д-р. Влатко Коробар насловено „Правење на круната на Микеланџело“.
Најавен е локален пленум за во 19 часот а понатаму времето студентите ќе го исполнат со музичка програма.
Низ целиот факултет во моментов се објавени налепници на кои стојат пораките „Универзитетот е наш“, „Окупација“, „Не сакам да живеам во 1984“.
