Запираат енергетските проекти Бошков Мост и Луково Поле. Европската банка за обнова и развој бара да се изработи нова еко студија која треба да покаже дали воопшто ќе се градат овие електрани, објави британскиот весник Гардијан.
Во анализата весникот пренесува изјава на висок претставник на ЕБОР, која треба да биде финансиер на проектот Бошков Мост.
„Во тек е спроведување на „нова“ студија за оценка на влијанието врз животната средина. Се додека студијата не се заврши, нема да се преземаат никакви активности. Поради жестоките реакции од страна на експертите од областа на заштита на животната средина и засегнатата поширока јавност, работата на терен е отежната. Многу е веројатно дека ќе треба да се свртиме и да се откажеме”, тврди претставникот на ЕБОР за британски Гардијан.
Проектот ќе мирува се додека не биде готова еко студијата, за една година со кој треба да се види дали изградбата на електраните ќе ја загрози природата.
Екологистите не се откажуваат од ставот дека не треба да се градат хидроцентрали во национални паркови. На петицијата за заштита на националниот парк Маврово се потпишаа сто илјади луѓе, а протестираа и мештаните од реканскиот крај.
Од владата остануваат на ставот дека енергетските проекти се од огромно значење за замјава.