Бил Гејтс, еден од основачите на софтверската компанија Мајкрософт го зголемил своето богатство од минатата година за 3.2 милијарди долари, и со вкупно 79.2 милијарди и понатаму е најбогатиот човек во светот, според најновиот рејтинг на „Форбс“.
Веднаш после него на истата листа се наоѓа мексиканскиот бизнисмен Карлос Слим со богатство од 77.1 милијарди долари, додека трет на листата е американскиот милијардер и инвеститор Ворен Бафет и неговото богатство од 72.7 милијарди долари.
Доколку се погледнат статистиките, Бафет е еден од најголемите добитници, бидејќи неговото богатство пораснало за 14.5 милијарди долари во однос на минатата година, благодарение на растечката вредност на акциите на неговиот инвестиционен фонд „Беркшир Хатавеј“.
Четврт на листата е Амансио Ортего, основач на модната куќа Индитекс, во рамки на која соработува брендот Зара. Неговото богатство е проценето на 64.5 милијарди долари.
Коосновачот на социјалната мрежа Фејсбук Марк Цукенберг, напредуваше за пет места, завршувајќи на 16 место, што е прв пат да се најде внатре во престижниот круг од 20 најбогати луѓе во светот.
Кинескиот милијардер Џек Ма, чија платформа за трговија преку интернет, „Алибаба“ минатата година имаше најголема јавна понуда на акции на Њујоршката берза, влезе помеѓу 50 најбогати луѓе на светот, заедно со уште двајца кинески државјани.
Бројот на милијардери непрекинато расте, па оваа година нивниот број достигна нов рекорд од 1.826 милијардери во однос на минатогодишните 1.645.