Да се надеваме дека луѓето нема пак да пијат „варикина“ како што тој истиот им го кажа тоа пред 4 години.
Љубомир Аламанов
Животниот циклус на диктаторите психопати е секогаш ист:
- Ветуваат лесни решенија за комплексни проблеми со цел само да бидат избрани;
- И луѓето ги избираат затоа што им веруваат на лагите;
- Започнуваат со брзи чекори без да обрнуваат внимание на правила, процедури, закони и устави;
- Потоа, по многу кус период, по „медениот месец“, системите еден по еден почнуваат да пропаѓаат;
- Диктаторите психопати почнуваат да се закануваат со насилство спрема сите кои што не ги почитуваат;
- Финалето е фијаско – секогаш е на штета на обичните луѓе.
Во случајот со портокаловиот психопат, „медениот месец“ траеше десет дена.
Само неколку примери:
– Многу негови извршни наредби веќе се процесуирани на суд, а неколку се оспорени како неуставни;
– успеа да се кара со земјите партнери;
– пропадна берзите;
– Неговите најблиски трговски партнери ќе му објават трговската војна;
– Се обиде да ги запре социјалните програми кои им помагаат на загрозените луѓе во многу земји.
И, што е најважно, можеби ќе успее да го обедини целиот свет против својата земја.
Трамп стана претседател благодареќи на пропагандата кога му беше забрането да се искажува на социјалните мрежи. Сега Маск ги отстранува профилите од „Х“ кои не се согласуваат со него и со Трамп.
Во првите денови од нивното управување, диктаторите психопати може да остават впечаток дека се ефикасни. Но, бидејќи се психопати, тие именуваат психопати околу себе и така целиот систем го прават психопат – без правила, без закони, станува предмет само на идеите на психопатот. И ова не може да трае долго. Таквите системи порано или подоцна пропаѓаат.
Ајде да видиме колку долго ќе трае оваа психопатија. И да се надеваме дека луѓето нема пак да пијат „варикина“ како што тој истиот им го кажа тоа пред 4 години.
И, ако има нешто позитивно, тоа е дека Европа навистина мора да се разбуди, да се промени, да се прилагоди, затоа што заостанува зад многу теми.
Мирен ден!
Од Фејсбук ѕидот на авторот