Украинскиот претседател Володимир Зеленски за британски “економист“ изјави дека Украина е уморна од оружениот конфликт со Русија и дека Украинците остануваат без енергија.
Луѓето се заморуваат… Енергијата се гаси, изјави Зеленски за британскиот весник Економист, одговарајќи на прашањето дали во Украина дошло до пад на моралот.
Претходно шпанскиот весник Паис напиша дека Кијив ја засилува мобилизацијата бидејќи не може да регрутира луѓе спремни да служат во оружените сили на Украина поради ослабувањето на моралот на населението на земјата.
Украински заробеници претходно изјавиле дека пијанството и употребата на дрога се распространети меѓу украинскиот воен персонал токму поради екстремниот замор и лошиот морал.
Гардијан претходно напиша дека илјадници украински војници ги напуштиле своите единици, дека точниот број е воена тајна, но дека властите признаваат дека бројот е голем.
По три години конфликт, на Украина очајно ѝ недостигаат војници, особено пешадија. Ова ѝ го олесни напредувањето на исток на руската војска. Постојат и структурни прашања. Нови бригади се направени од нула. Не се покажаа. Володимир Зеленски неодамна нареди промена на политиката, со неискусни регрути интегрирани во постоечките баталјони, пишува Гардијан.