Легендарната британска електро-денс група Продиџи на крајот од месецов ќе го издаде својот шести по ред албум The Day Is My Enemy. На ова ново издание нинвната публика чекаше скоро шест години откако во 2009 година групата го издаде албумот Invadors Must Die. Официјалното издание на новиот албум се очекува на 30 март годинава, додека на интернет веќе се појавија пиратските верзии на The Day Is My Enemy.
Бендот објавуваше по еден сингл од новиот албум во последните три месеци, па така фановите можеа на Јутјуб да ги слушнат песните „Nasty“, насловната „The Day Is My Enemy“ и „Wild Frontier“.
Продиџи досега два пати гостуваа во Македонија, во далечната 1995 кога учествуваа на легендарниот Т-фестивал, а десет години подоцна повторно свиреа во главниот град. Тие се пробија на музичката сцена со сингловите од вториот и од третиот албум, Music For The Jilted Generation и Fat Of The Land од кои излегоа хитовите Voodoo People, No Good (Start The Dance), Firestarter, Breathe и Smack My Bitch Up.