Андреј Жерновски: Јавно го замолувам претседателот на СДСМ, Венко Филипче, при својата посета на Брисел да лобира кај колегите од Партијата на европските социјалисти (ПЕС) и Социјалистите и демократите (СД) кои се на власт во своите земји, да го пратат својот министер за надворешни работи во посета на Македонија. Не гледам друг начин како поинаку да доживееме таква посета. Ние треба и мора да му помогнеме на Тимчо. Мораме, инаку ќе се прашуваме и понатаму што воопшто работи, освен што се гледа со сите резидентни и нерезидентни амбасадори во нашата земја. А и што друго да прави, кога никој не сака да му дојде на гости. Верувале или не, досега го имаат на билатерална основа посетено 2 (со букви:двајца) министри за надворешни работи. Никој оваа година. Буквално никој. Последниот бил тука на 26. декември минатата година, а првиот, за жал и последен од земја членка на ЕУ, на 10. септември минатата година. Има и уште еден, ама тој мораше поради ОБСЕ. За 9 месеци, само двајца. Буквално двајца. Ниту еден од соседството. Буквално никој. А да, ќе заборавев. Ова е се’ дел од т.н. дипломатска офанзива на владата на Мицкоски.
Од Фејсбук ѕидот на авторот