Втората црна кутија на авионот на “Германвингс”, кој се урна пред десет дена во француските Алпи беше пронајдена денес. Оваа кутија ги содржи сите параметри на авионот во кој загинаа 150 лица.
Првата црна кутија беше пронајдена истиот ден кога авионот се урна, а нејзината анализа откри дека копилотот бил сам во кабината и намерно го урнал авионот.
Втората кутија ќе биде анализирана што би требало да ги потврди досегашните откритија за причините за падот на авионот.
Инаку, пред неколку дена беше пронајдена и една снимка од мобилен телефон на некој патник на кој се снимени последните мигови пред падот на авионот, напишаа весиниците Пари Мач и Билд.
Оваа снимка не беше објавена а ја пронашле новинарите на Пари Мач преку свои соработници блиски до истрагата. «Сцената е толку хаотична што не се може да се препознае ниту едно лице но се слушаат криците на патниците што открива дека тие биле сосема свесни за тоа што се случува», вели Пари Мач кој во детали ја анализирал снимката. Новинарите на весникот тврдат дека снимката не треба да се објавува но дека таа сигурно ќе придонесе во истрагата.
На снимката се слушаат зборовите «о Господи» на повеќе јазици: «Се слушаат исто така барем три метални удари што укажува дека пилотот се обидувал да ја отвори вратата од пилотската кабина со тврд предмет», велат Пари Мач и Билд.
Обвинителот на Марсеј кој ја води истрагата изјави дека не знае дека таква снимка постои. Според него, на местото на несреќата биле најдени повеќе мобилни телефони но дека тие сите се во лоша состојба и дека не знае дали податоците од тие телефони можат да послужат за истрагата. Од друга страна, новинар на Пар Мач тврди дека сим картите на мобилните телефони сигурно можат да бидат анализирани и покрај тоа што телефоните се во лоша состојба.