Деловен објект во парк и катна гаража до владата со одлука на премиерот

Парцелата кај сегашната гостилница „Кригла“ која се наоѓа веднаш до Владата ќе се претвори во катна гаража, додека на локацијата на Советот на Град Скопје во градскиот парк ќе никне комерцијално-деловен објект. Новите експресни измени доаѓаат по одлуки на Владата потпишани лично од премиерот Никола Груевски, а објавени во Службен весник на 9 Април месецов.

Посочените парцели на коишто се предвидени катната гаража и комерцијaлно-деловниот објект се носат со „Одлука за утврдување градба од посебен интерес заради изработка на урбанистичко планска документација“. Со последните измени на законот за просторно и урбанистичко планирање на владата и се овозможи да носи самата таканаречена урбанистичко планска документација и самата да утврдува градби од посебен интерес за граѓаните на РМ, без притоа во законот да се дефинираат критериуми за посебен интерес.

Тоа би значело дека без разлика каков е деталниот урбанистички план којшто го донела општината, со одлука на владата за градба од посебен интерес тој ДУП по автоматизам не важи. Притоа, прескокнати се сите процедури кои што би биле во надлежност на советот на општината, како и јавна анекта, стручна расправа и другите процедури со коишто се менуваат урбанистичките планови.

Мапа од парцелите