Идниот градоначалник на Скопје, но и градоначалниците на другите урбани општини, треба да го имаат како приоритет поттикнувањето на импулсот на урбаниот живот, како на инфраструктурен, така и на културен план, со цел да се врати сонот за голема трансформација. Само на овој начин може да се врати надежта за вистински и одржлив развој на градовите, кој низ своето патување ќе стане колективна приказна на тој град.
Лорик Идризи
Во пресрет на локалните избори, веќе две децении, покрај вообичаените битки меѓу политичките партии и политичките поларизирачки наративи, е засенет сонот за големи трансформации. Иако во многу рурални општини сè уште се спомнуваат егзистенцијални прашања како канализацијата и водата за пиење, во урбаните општини се случи релативизирање на концептот на развој, кој се претвори во менталитет и кај самите граѓани, често сведено на фразата: „ни треба добар менаџер“.
Но, на урбаните општини им треба многу повеќе од добар менаџер. Еден менаџер можеби би бил оптимално решение за веќе развиена општина, но во земја што сè уште е во транзиција како нашата, потребни се иновативни, креативни и визионерски решенија. Потребен е сон за голема трансформација, нова урбана приказна што треба да биде присутна во визијата и програмата на секој кандидат кој се стреми кон водство на општината.
Во Албанија, иако концептот на „Урбана Преродба“ промовиран од Социјалистичката партија е деградиран и политизиран, во суштина носеше идеја што требаше да ја доживее цела Албанија. Сепак, како што изгледа, само Тирана ја доживеа таа идеја. Иако граѓаните на Тирана се жалат на урбаното задушување и бетонизацијата, не може да се негира дека Тирана, споредена со својата верзија од пред многу години, кога штотуку излезе од комунизмот и личеше на напуштен град, сличен на Детроит од стиховите на Еминем, денес се има трансформирано во балкански центар со урбана приказна што ја чувствуваат дури и туристите.
Тирана, и покрај корупциските скандали и проблемите со бетонизацијата, со години ја гради својата урбана приказна и големиот сон за трансформација.
Идниот градоначалник на Скопје, но и градоначалниците на другите урбани општини, треба да го имаат како приоритет поттикнувањето на импулсот на урбаниот живот, како на инфраструктурен, така и на културен план, со цел да се врати сонот за голема трансформација. Само на овој начин може да се врати надежта за вистински и одржлив развој на градовите, кој низ своето патување ќе стане колективна приказна на тој град.
Текстот е сопственост на Инбокс 7.мк