Дај им по еден празен лист А4 формат на, Милошоски, Николовски, Димовски, Дафа, Пандов и други, нека напишат во кратки црти од каде им се парите за … Што да ти речам за Грујо, за Мијалков, за Латас, за Ѕинго мал, за Стојемнов…? Ако имаш муда, пробај таму испитај го …
Борче Трајковски
Мицко ќе спроведува акција за испитување на потекло на имот. Не знам дали е ова точна информација, но, ако е точна ондак, Супер… Вози Мицко…
Ама вози пополецка, например, не мора да почнеш од себе, еве почни со Љубчо Георгиевски. Нека испитаат надлежните од каде му е почетниот капитал на едномандатниот премиер за да стане средно богат бизнисмен, за кој во кулоарите се шпекулира дека “тежи“ неколку стотици милиони евра? Како тоа после четиригодишен мандат на премиерската позиција од “вошкар“ се станува голем газда во Македонија која не ја признава, не ја есапи за своја држава, туку за бугарска, односно српска бановина…
Испитај го потеклото на почетниот капитал на двомандатниот градоначалник на тогашна Општина Чаир, познат како “Симпли д’ бест“ Аце Миленковски, како со наставничка плата, па и со градоначалничка се стекнува капитал вреден десетици милиони евра, како се гради хациенда со олимписки базени од неколку милиони, како се купуваат објекти низ државава за џабалак, како се отвара Туристичка “тезга“ во “кватростаџоне“ за шиткање дипломи, кобожем универзитет?
Испитајте ги популарните пратеници во сите ДПМНЕ овски мандати, (и СДСМ овски) од каде преку бедата се здобија со луксуз, со станови и куќи, викендици, со непроверни ама “дебели“ салда на сметките, со станови и вили низ мкд туристичките дестинации, на Халкидики и слични места?
Или, испитај како Сашо Станинов стана сопственик на епицентрални објекти во Скопје, и со чиви пари ги откупил за да станат негови, после само еден мандат во УЈП? Објектите на “ЗУС“ и “Фотоцентар“ се познати, непознатите треба да се проверат, а ги има. Испитајте му ја и состојбата на сметките, и прашајте го од каде, кога и како му тргнал бизнисот, со чиви пари почнал да гради бизниси…?
Прашај го Мицко шоферот на Ламбе со чиви пари ги купи акциите на Македонска банка и ја рикна?
Прашај ги телохранителите на Љубчо и Грујо како се стекнаа со капитал, милионски бизниси и со чиви пари…?
Дај им по еден празен лист А4 формат на, Милошоски, Николовски, Димовски, Дафа, Пандов и други, нека напишат во кратки црти од каде им се парите за имотот и капиталот кои го поседуваат сега, (тие или нивни роднини сеедно, сите биле голтари пред овие да станат државни чиновници), нека обајснат како од пратеничките плати, или министерските, од позициите на лежерност дека државата се’ им плаќа, се’ стекнале со сиот овој капитал со кој сега располагаат, а вреди стотици милиони евра…?
Што да ти речам за Грујо, за Мијалков, за Латас, за Ѕинго мал, за Стојемнов…? Ако имаш муда, пробај таму испитај го потеклото на имотот и капиталот. Тежи милијарди евра. Затоа таму не чепкај…
И да не редам понатаму, имаш Мицко дугачок список со кој може да се занимаваш многу години за да испитуваш потекло на имот и капитал, за да направиш конечна проценка за тоа дали станува збор за легален или нелегален капитал, и затоа, ова што го најавуваш е фарса, демагодија, лага за попрскани гласачи, ништо друго. Напад на ситна боранија од противничкиот политички табор, на кои твоиве ќе свршуваат. А можеш да тргнеш од актуелниве градоначалници, за греота се, Мицко, едвај врзуат крај со крај и после 4 години мандат, за жалење се, душички…
Токму затоа не се носи Закон за потекло на имот? Затоа што и таканаречената бизнис “елита“, транзициската олигархија, и онаа транзициско политичка апашка булумента од сите политички провиниенции, ќе мора да докажува од каде им е потеклото на почетниот капитал. Не да докажува од каде му е сегашното богатство, за повеќето од нив знаеме, туку, да посочат извори на почетниот капитал. Србите викаат, “мало прекосутра“…
Тенкју…
Од Фејсбук ѕидот на авторот