Легендарната виенска филхармонија треба да објави детали од својата историја за време на нацистичката ера, како одговор на обвинувањата на прикривање дека служела како пропаганден инструмент во 1939 г., јавува Би-Би-Си.
Оркестарот се најде под оган затоа што не ги признава наводните врски со нацистите, но сепак, сега под притисок соопштува дека исто така ќе даде повеќе детали за прстенот на честа презентиран на Балдур фон Шираx, нацистички гувернер на Виена, кој ја надгледувал депортацијата на десетици илјади Евреи.
Прстенот, првично презентиран во 1942 година, бил загубен од Фон Ширах, но се тврди дека му била дадена замена во 1960 г., по неговото ослободување од Шпандау затворот за злосторства против човештвото.
Со ова истражување на историчарите, се очекува да се откријат детали за 13 музичари, за кои има записи дека биле истерани од оркестарот поради своето еврејско потекло или нивниот став во врска со анексијата на Германија со Австрија.
Пет од музичари починале во концентрациони логори. Некои членови на Филхармонијата во тоа време биле идентификувани како нацисти.