Аслан Вишко: Ромите со векови живеат на Балканот и во Македонија. Народ без држава, но со лојалност кон секоја држава во која живеел.
Гласале, служеле војска, плаќале даноци секој ден преку сметки и купување основни производи, и покрај тоа што речиси никогаш не биле третирани како еднакви. Историјата кон нив ретко била праведна, а предрасудите станале наследство што се пренесува полесно од вистината.
Лесно е да се исмеваш и да бараш казни од луѓе што живеат на дното. Потешко е да се признае дека системот е крив.
Ромите во Македонија со децении живеат во неукост, сиромаштија и крајно лоши услови – без вистинска грижа, без континуирано образование, без реална поддршка од државата.
Денес од тие луѓе се бара „одговорност“ – да не возат без возачка, да ги почитуваат правилата – а сите знаеме дека за многумина тоа е финансиски недостапно.
Од една страна државата ги остава во мизерија, со многудетни семејства и без перспектива. Од друга страна, истата таа држава и дел од народот на тастатура им се смеат и викаат „строго да се казнат, па ќе научат ред“.
Ред не се гради со казни, туку со шанси, затоа што неукоста е последица, сиромаштијата е системски неуспех, а општество што ги казнува најслабите наместо системот што ги создал, не може да се нарече праведно. Живееќе овој народ уште долго, без гајле.
Извор: Фејсбук