Фурхан Салиу: Како е можно еден новинар толку брзо да смени став и однос?
Како е можно еден новинар кој е полн со борба во себе, одеднаш да се „смири“ откако ќе се промени власта?
Како може еден борец за вистината, борец за правата на медиумските работници, само што ќе стане член на еден обичен управен одбор или ќе добие друга функција во структурите на ЗНМ и Синдикатот, одеднаш да стане аналитичар или калкулант?
Драги колеги, дали има две вистини?
Дали е праведно да се гледа името кога има неправда?
Дали е праведно да се бројат членските карти кога треба да се реагира за неправда?
Со каква логика Синдикатот калкулира со тоа дали ќе изгуби грант или не, кога треба да реагира за работник?
Која е смислата да постои синдикат ако тој не смее да реагира кога се погазени правата на еден медиумски работник, потврдени со судска пресуда?
Зошто постои синдикатот?
Како е можно синдикатот да ти каже: „Ние моментално изигруваме мртов Германец“?
Дали Самостојниот синдикат на новинари и медиумски работници е навистина самостоен?
На ова прашање би сакал да чујам одговор, затоа што очигледно е дека името е многу побитно од правдата кога треба да се реагира за медиумски работник.
Колегите кои се во структурата на Синдикатот се почитувани новинари, за кои и јас имам почит.
Од нив пробав да добијам објаснување за последниве случувања, но откако одговорот беше „мртов Германец“, се надевам дека јавно ќе се произнесат, за да знаат и тие што не се во грант-шемата, и да не се потпираат на синдикатот.
Извор: Фејсбук